Ársreikningurinn er gerður í samræmi við lög um ársreikninga og reglugerð um framsetningu og innihald ársreikninga og samstæðureikninga. Ársreikningurinn er gerður í íslenskum krónum. Ársreikningurinn byggir á kostnaðarverðsreikningsskilum og er gerður eftir sömu reikningsskilaaðferðum og árið áður. Ársreikningurinn er hluti samstæðuársreikningi Reykjavíkurborgar.

Viðskipti í erlendum gjaldmiðlum eru færð á gengi viðskiptadags. Peningalegar eignir og skuldir í erlendum gjaldmiðlumeru umreiknaðar í íslenskar krónur á skráðu gengi í lok ársins. Gengismunur sem myndast er færður í rekstrarreikning.

Tekjur af leigu og þjónustu eru færðar í rekstrarreikning þegar til þeirra hefur verið unnið. Tekjur eru ekki færðar ef
veruleg óvissa er um innheimtu þeirra.

Varanlegir rekstrarfjármunir eru færðir til eignar á kostnaðarverði að frádregnum afskriftum. Afskriftir eru reiknaðar sem
fastur hundraðshluti miðað við áætlaðan nýtingartíma rekstrarfjármuna, þar til niðurlagsverði er náð.

Eignarhlutir í félögum eru metnir á kostnaðarverði að teknu tilliti til niðurfærslu til að mæta hugsanlegu tapi í framtíðinni, fyrir utan eignarhlut í Eignarhaldsfélaginu Speli hf., sem er uppreiknaður m.v. breytingar á vísitölu neysluverðs, í samræmi við samning um eignarhlutinn, en söluverð eignarhlutarins mun byggjast á breytingu vísitölunnar.

Eignarhlutir í dótturfélögum eru ekki færðir m.v. hlutdeildaraðferð og ekki gerð samstæða, þar sem áhrif félaganna eru
óveruleg.

Langtímakröfur eru færðar á nafnverði að frádregnum greiddum afborgunum og eru eftirstöðvar nafnverðs reiknaðar upp miðað við gildandi gengi eða vísitölu í lok ársins eftir því sem við á.

Viðskiptakröfur eru færðar niður til að mæta almennri áhættu sem fylgir kröfueign félagsins, en hér er ekki um endanlega afskrift að ræða. Í rekstrarreikningi ársins eru gjaldfærðar 10,8 millj. kr. vegna hækkunar niðurfærslu. Niðurfærslan er dregin frá viðskiptakröfum í efnahagsreikningi.

Félagið eru undanþegið tekjuskattsskyldu og hafnarsjóðir eru undanþegnir hvers konar sköttum af hafnarmannvirkjum.

Laun og launatengd gjöld greinast þannig:

Laun og þóknanir til stjórnar námu 19,6 millj. kr. á árinu 2017 (2016; 34,3 millj. kr.). Laun og hlunnindi hafnarstjóra námu 18,1 millj. kr. (2016; 17,6 millj. kr.). Lækkun í launum stjórnar milli ára skýrist af uppgjöri vegna breytingar á viðmiðun launa stjórnar frá fyrri árum sem hafði ekki skilað sér til stjórnarmanna sem voru gerð upp og gjaldfærð á árinu 2016.

Laun og launatengd gjöld sundurliðast þannig á liði í rekstrarreikningi

Varanlegir rekstrarfjármunir og afskriftir, greinast þannig:

Fasteignamat og vátryggingaverð eigna félagsins greinist þannig:

Eignarhlutar í félögum greinast þannig:

Hlutabréf í Eignarhaldsfélaginu Speli hf. voru uppreiknuð miðað við vísitölu neysluverðs í lok árs.

Faxaflóahafnir sf. er helmingseigandi að Vatnsveitu Hvalfjarðarsveitar sf., en tilgangur félagsins er öflun vatns vegna starfsemi á Grundartanga og í svonefndu Hagamelshverfi. Skuldbindingar Vatnsveitu Hvalfjarðarsveitar í árslok nema um 3 millj. kr. Faxaflóahafnir bera beina, óskipta og ótakmarkaða ábyrgð á skuldbindingum félagsins

Yfirlit um langtímakröfur:

Afborganir langtímakrafna greinast þannig á næstu ár:

Niðurfærsla viðskiptakrafna greinist þannig:

Yfirlit um óráðstafað eigið fé:

Yfirlit um langtímaskuldir:

Langtímaskuldir greinast þannig:

Afborganir af langtímaskuldum félagsins greinast þannig á næstu ár:

Skuldbindingar vegna verksamninga sem ólokið er um áramót námu um 1.108 millj. kr. árslok 2017.

Á árinu 2017 seldi félagið lóð í Kjalarvogi til Reykjavíkurborgar og var söluhagnaður vegna sölu lóðarinnar 40,0 millj.kr.
Ekki var um sambærilega lóðasölur að ræða á árinu 2016.

Eigendur og félög tengd þeim, stjórnarmenn og stjórnendur teljast vera tengdir aðilar félagsins

Hluti af þeim aðilum sem skilgreindir eru sem tengdir aðilar eiga almenn viðskipti við félagið. Skilyrði og skilmálar viðskiptanna voru sambærileg við það sem gerist í viðskiptum við ótengda aðila og eru þessi viðskipti því flokkuð sem slík.

Tekjur frá systurfélögum á árinu 2017 námu um 25,6 millj. kr. Kaup af vörum og þjónustu af Reykjavíkurborg og systurfélögum námu um 220,1 millj. kr. á árinu. og af öðrum tengdum aðilum um 16,3 millj.kr á árinu. Viðskiptaskuldir við tengd félög námu 31,8 millj.kr. í árslok. Auk þess er fært á meðal langtímakrafna skuldabréf á hendur Reykjavíkurborg, sem bókfært er á 204,5 millj. kr.

Þóknun til ytri endurskoðenda félagsins á árinu 2017 nam 2,4 millj. kr. (2016: 2,1 millj. kr.).

Á árinu 2017 gjaldfærðu Faxaflóahafnir samtals um 322,3 millj. kr. vegna uppgjörs við Brú lífeyrissjóð. Uppgjörið er tilkomið vegna breytinga á skipan lífeyrismála opinberra starfsmanna sem samþykkt voru á Alþingi með lögum nr. 127/2016. Meðal breytinga er að ávinnsla lífeyrisréttinda í A-deildum LSR og Brúar verður aldurstengd en ekki jöfn og lífeyristökualdur hækkaður úr 65 árum í 67 ár. Við framangreindar breytingar eru réttindi virkra sjóðfélaga tryggð með sérstökum framlögum til sjóðanna af hálfu launagreiðenda. Framlagið er fært á meðal skammtímaskulda í
efnahagsreikningi en var að fullu greitt í febrúar 2018.

Hagtak hf. hefur stefnt félaginu vegna meintra vanefnda á verksamningi og nemur stefnufjárhæðin 173,6 millj. kr. Faxaflóahafnir hafa hafnað kröfum stefnenda en óvissa er um endanlega niðurstöðu málsins.